انڈیا کی ریاست پنجاب میں ایک پولیس افسر کا ہاتھ اس وقت کٹ گیا جب وہ لوگوں کو لاک ڈاؤن کی خلاف ورزی کرنے سے روک رہے تھے۔
اس حملے میں ان کے دو اور ساتھی بھی زخمی ہوئے ہیں۔
یہ واقعہ پٹیالہ ضلعے میں اس وقت پیش آیا جب ایک کار پولیس چوکی سے ٹکرا گئی۔ کار میں سوار افراد نے گاڑی سے نکل کر افسران پر حملہ کردیا۔
کم از کم تین حملہ آوروں کو گرفتار کر لیا گیا ہے جن کا تعلق مبینہ طور پر ایک مذہبی فرقے سے بتایا جاتا ہے۔
پنجاب پولیس کے سربراہ دنکر گپتا نے این ڈی ٹی وی کو بتایا کہ دو گھنٹے مقابلے کے بعد مجرمان نے ہتھیار ڈال دئیے اور ’تلواریں اور چاقو اٹھائے باہر نکلے آئے۔‘
سرکاری عہدیداروں کے مطابق ریاست کے سب سے بہترین ڈاکٹر ان افسران کا علاج کر رہے ہیں۔
انڈیا میں لاک ڈاؤن کے نفاذ کی کوششوں کے دوران، ملک کے دیگر حصوں سے بھی پولیس پر حملوں کی اطلاعات ہیں۔
In an unfortunate incident today morning, a group of Nihangs injured a few Police officers and a Mandi Board official at Sabzi Mandi, Patiala. ASI Harjeet Singh whose hand got cut-off has reached PGI Chandigarh.
— DGP Punjab Police (@DGPPunjabPolice) April 12, 2020