معیشت کے مزید شعبوں کو دوبارہ کھولنے کے لیے صوبوں سے سفارشات طلب

Spread the love

نیشنل کمانڈ اینڈ آپریشن سینٹر نے کورونا وائرس کی وبا کے باعث بند کیے گئے معیشت کے مزید شعبوں کو دوبارہ کھولنے کے لیے صوبوں سے سفارشات طلب کی ہیں۔

منصوبہ بندی اور ترقی کے وزیر اسد عمر کی زیر صدارت اسلام آباد میں ایک اجلاس میں کورونا وائرس کی وبا کی روک تھام سے متعلق طویل اور قلیل مدتی حکمت عملی کا جائزہ لیا گیا۔

نیشنل کمانڈ اینڈ آپریشن سینٹر نے تجویز دی کہ تعلیمی ادارے اگست تک بند رکھے جائیں اور شادی ہالوں کو مہمانوں کی محدود تعداد ون ڈش اور مقررہ ضابطہ کار پر سختی سے عملدرآمد کی صورت میں دوبارہ کھولنے کی مشروط اجازت دی جائے۔

اجلاس میں کورونا وائرس کی وبا سے بچاؤ کے لیے معلوماتی اور آگاہی مہم کو مزید موثر بنانے کی ضرورت پر بھی زوردیا گیا۔

اپنا تبصرہ بھیجیں