ماں بیٹی کے پاکیزہ رشتے میں دراڑ۔۔ ماں نے چھری سے بیٹی کو قتل کر دیا

Spread the love

کراچی (ویب ڈیسک) شہر قائد کراچی کےعلاقے ناظم آباد میں ماں نے جھگڑے کے دوران چھری سے بیٹی کو قتل کر دیا۔
پولیس ذرائع کے مطابق بیٹی کو قتل کرنے کے بعد ماں نےخود کو بھی جان سےمارنےکی کوشش کی اور زخمی ہو گئی۔ ہم نیوز کے ذرائع نے بتایا کہ واقعےکےوقت گھرمیں کوئی اورشخص موجود نہیں تھا جبکہ پولیس نےآلہ قتل برآمد کر کے مزید تفتیش شروع کر دی ہے۔
یاد رہے کہ گزشتہ دنوں صوبہ پنجاب کے شہر چنیوٹ میں والد نے رشتہ دار کے ساتھ مل کر بیٹی کوقتل کر دیا تھا۔پولیس کی مدعیت میں والد کے خلاف مقدمہ درج کر لیا گیا ہے جب کہ ملزمان کو بھی گرفتار کر لیا گیا، پولیس حکام کا کہنا ہے کہ مقتولہ کچھ دنوں سے گھر سے لاپتہ تھی۔
رپورٹ کے مطابق چند روز قبل صوبہ خیبرپختونخوا کے دارالحکومت پشاور میں معمولی تکرار پر بہن اور بھائی کو قتل کر دیا گیا تھا۔پولیس کے مطابق پشاور کے نواحی علاقے متھرا میں افطاری کے وقت شربت میں زیادہ چینی ڈالنے پر ملزم کی بہن اور بھائی سے تکرار ہوئی تھی۔دونوں لاشیں پوسٹ مارٹم کے لئے خیبر میڈیکل کالج روانہ کردی گئیں اور پولیس ملزم اسحاق کی تلاش میں چھاپے مار رہی ہے۔پوسٹ مارٹم کے بعد لاشوں کو تجہیز و تکفین کیلئے ورثا کے حوالے کیا جائے گا۔ ملزم مقتولین کا بھائی ہے اور واردات کے بعد جائے وقوعہ سے فرار ہونے میں کامیاب ہوگیا۔حکام کا کہنا ہے کہ ملزم کی گرفتاری کے لئے پولیس ڈی ایس پی کی سربراہی میں چھاپے مار رہی ہے۔ ملزم کے متعلق اس کے دوستوں اور رشتہ داروں سے بھی تفتیش کی جا رہی ہے۔

ماں بیٹی کے پاکیزہ رشتے میں دراڑ۔۔ ماں نے چھری سے بیٹی کو قتل کر دیا” ایک تبصرہ

اپنا تبصرہ بھیجیں