عائزہ خان کی ٹوئٹر پرآمد،شائقین نےدل کھول کر استقبال کیا

Spread the love

جیو انٹرٹینمنٹ کے مقبول ترین ڈراما سیریل ’مہر پوش‘ کی ’مہرو‘ نے ٹوئٹر پر فعال ہوتے ہوئے اپنا پہلا ٹوئٹ کیا جس میں اُنہوں نے دل والے ایموجی کے ساتھ اپنے مداحوں کو سلام کیا۔

’مہرو‘ کے اِس ٹوئٹ پر اُن کے مداحوں نے اپنی پسندیدہ اداکارہ کا شاندار استقبال کیا۔
عائزہ خان نے اپنے اگلے ٹوئٹ میں اُن کے نام سے منسوب ایک ٹوئٹر اکاؤنٹ کی تصویر شیئر کی اور اپنے مداحوں کو بتایا کہ یہ اکاؤنٹ اُن کا کوئی پرستار چلا رہا ہے۔

صرف 15 گھنٹوں میں عائزہ خان کے ٹوئٹر پر 12 سو سے زائد فالوورز ہوگئے ہیں جبکہ اُنہوں نے صرف وزیراعظم عمران خان کو فالو کیا ہوا ہے۔
دوسری جانب عائزہ خان کے انسٹاگرام پر 50 لاکھ سے زائد فالوورز ہیں۔
واضح رہے کہ عائزہ خان جیو انٹرٹینمنٹ کے مقبول ترین ڈراما سیریل ’مہرپوش‘ میں ’مہرو‘ کا مرکزی کردار ادا کر رہی ہیں جبکہ اُن کے شوہر دانش تیمور اسی ڈرامے میں’شاہ جہاں ‘ کا کردار ادا کر رہے ہیں۔

اپنا تبصرہ بھیجیں