زندگی میں کتنی ہی مشکلات کیوں نہ آجائیں آپ نے ہمت نہیں ہارنی،اداکارہ مایا علی کا ویڈیو پیغام

Spread the love

پاکستان ٹی وی اور ڈرامہ انڈسٹری کی معروف اداکارہ مایا علی نے سوشل میڈیا پر اپنے ماضی کے انٹرویو کی ایک ویڈیو کلپ شیئر کرکے مداحوں کو معنی خیز پیغام دے دیا۔
مایا علی کا انٹرویو میں کہنا تھا کہ’آپ کی زندگی میں کتنی ہی مشکلات کیوں نہ آجائیں آپ نے ہمت نہیں ہارنی۔‘
اداکارہ کا کہنا تھا کہ ’میرا ماننا یہ ہے کہ جہاں انسان ہمت ہار جاتا ہے وہاں وہ ختم ہوجاتا ہے۔‘

یہ بھی پڑھیے: رمضان شریف کے بعد نیب ٹارزن بننے جارہی ہے، جو سمجھتے ہیں ہم بچ گئے،اب نہیں بچے گے :وزیر ریلوےشیخ رشید

اُنہوں نے اپنے مداحوں کو اپنی زندگی کے مشکل وقت سے آگاہ کرتے ہوئے کہا کہ ’میں بھی بہت مرتبہ ٹوٹی ہوں، بہت بار گِری ہوں لیکن میں پھر بھی خود کو اُٹھاتی ہوں، مشکل گھڑی میں خود کو سنبھالتی ہوں کیونکہ مجھے معلوم ہے کہ اللّہ نے مجھے اِس آزمائش میں ڈالا ہے اور مجھے یقین ہے کہ اللّہ کی ذات ہی مجھے اِس آزمائش سے نکالے گی۔‘

مایا علی نے اپنی اِس پوسٹ کے کیپشن میں لکھا کہ ’میں آج جو کچھ بھی ہوں اور جہاں پر بھی ہوں اُس کے لیے اللّہ تعالیٰ کی شُکر گزار ہوں۔‘
اداکارہ نے لکھا کہ ’آپ کی زندگی میں چاہے کامیابیاں ہوں، ناکامیاں ہوں، بلندیاں ہوں، پریشانیاں ہوں، آپ کو ہر حال میں صرف اللّہ تعالیٰ پر بھروسہ رکھنا ہے کیونکہ بے شک اُس کے پاس آپ کے لیے بہترین منصوبے ہیں۔‘
یاد رہے کہ مایا علی نے گزشتہ ماہ کچھ دن کے لیے عارضی طور پر سوشل میڈیا سے دوری اختیار کرلی تھی اور دو روز قبل ہی وہ دوبارہ سے سوشل میڈیا پر فعال ہوئی ہیں۔

اپنا تبصرہ بھیجیں